padh ke bataao .......

badminton khelte khelte ajj sham main aur mere saheli gupshup karte karte kahan kab kaise bhatak gaye pata hi nahi chala......ajj ke din huva yoon uske sath ............... college se wapas ate samay ajj ekk gareeb ladki uske bus mein chadi.uss ladki ko dekh ke aisa lag raha tha mano woh bahut gareeb hai.uss ladki ne usse aur uski saheli ko 1 rupya manga.inndono ko pehle toh jhatka laga , aise kaise koi bus mein yoon chad ke paise maangta hai...par phir indonno ne socha ki ticket lene ke liye uss ladki ke paas paise kam honge, toh indono ne use ekk rupya dediya.Bus conductor aya aur usne usse ticket kharid lee.Usske baad usnein baithne ke liye jagah mangi , inn ladkiyoon ne woh bhi diya ,phir thodi deer mein usnein batcheet shuru kar dee....rakshabandhan ka tarik puchne lagi, app kahan utroge puchne lagi.....aur angrezi bhi bolne lagi.inndonnon ke hairani ka thikana na tha!!! Thodi deer mein bus stop aya, apna stop ate hi woh ladki utar gayi. Tabhi ekk ladki bus mein chadte huve uss garib ladki ko dekhke hairaan hogayi ki yeh kahan se bus mein.............woh ladki sach mein garib thi!!!!! Kismat ke mari woh ,bus stop pe bheekh mangathi thi!!!! toh jana baat ki baat toh yeh hai ki ajj kal bhikhari bhi modern hogaye hai............

abb aise hi mujhe ekk aur kissa yaad agaya............huva yoon ki main aur mere behan apni scooty pe ekk signal pe khade the.....kab laal bathi gul ho aur hari batti jale....issi ka intazar tha.aur ussi samay ekk bhikhari puja ki thali liye hamare baju khade ekk bike wale ke paas pahunch gaya.Abb uss bike wale ko subah subah daya agayi aur apna purse kholke chillar dhundhne laga.Tab tak yeh bhikhari janab ashirwaad mangne mein laggaye the uss bike wale ke liye.Par yeh kya......purse mein chillar hi nahi tha.Sirf 100 rupya ke note.Bike wale ne kaha " maaf karo bhaiya..chillar nahi hai..."Bhikhari ne kaha sahab ji main deta hoon apko chillar.Aas paas khade hum sab bike wale bas hass pade.Uss nein phir 100 rupya ka note leliya par tabhi hari batthi jal padi.Aur bhikhari seth kehne laga sahab appko jo chahiye woh milljayega.Apka din acha rahega.Alvida main toh chala.

iss tarah batton batton mein kab time nikal gaya pata hi nahi chala.Ajj phir mujhe timepaas karna tha toh maine yeh sab blog mein likh diya.Aur apko time paas karna tha toh app ne padh liya.Apka khub khub dhanyawaad itne itminaan se yeh padhne ke liye.Abb jab itna kuthc padh hi liya hai toh thoda samay dekar ekk acha sa like comment bhi dedijiyega.Abb aur bus ekk line hi baki hai....iss blog ka topic padh ke bataao tha...abb woh bhi batado.!!!